Nan anpil lekòl, yo itilize Google Classroom an fransè. Se poutèt sa bouton yo ak meni yo parèt an fransè. Men kijan pou w depoze devwa w lè entèfas la an fransè.
1. Konekte sou Google Classroom
1. Louvri navigatè w.
2. Ale sou: classroom.google.com
3. Antre ak kont lekòl ou.
👉 Sou telefòn, ou ka itilize aplikasyon Google Classroom.
2. Chwazi Klas la
Klike sou klas la kote pwofesè a bay devwa a.
3. Ale nan “Travaux et devoirs”
Klike sou onglet Travaux et devoirs.
Chèche devwa a (gade dat limit la).
Klike sou tit devwa a pou ouvri li.
4. Ajoute Travay Ou
Lè devwa a louvri:
1. Klike sou Ajouter ou créer.
2. Chwazi:
📄 Importer un fichier (Word, PDF, elatriye)
📷 Téléverser yon foto
📝 Créer un document (Docs, Slides, elatriye)
💡 Verifye si fichye a byen klè epi gen bon non.
5. Klike sou “Rendre”
Apre w fin ajoute fichye a, klike sou « Rendre ».
Konfime lè sistèm nan mande w.
Si w wè mesaj » Remis « , sa vle di devwa w byen depoze!
Bagay Enpòtan pou Sonje
✔️ Tcheke dat limit la.
✔️ Pa bliye klike « Rendre » (pa sifi jis telechaje fichye a).
✔️ Verifye si fichye a ouvri byen.
✔️ Si sa nesesè, ou ka klike « Annuler la remise » pou modifye devwa a (si pwofesè a pèmèt li)
Kesyon Elèv Yo Poze Souvan
1. Si mwen bliye klike sou « Rendre »?
➡️ Devwa a pap konsidere kòm depoze.
2. Èske mwen ka modifye devwa apre m fin rann li?
➡️ Wi, si w itilize « Annuler » la remise anvan dat limit la.
3. Si entènèt la koupe?
➡️ Tcheke si mesaj « Remis » parèt pou konfime.
Depoze devwa sou Google Classroom fasil menm lè entèfas la an fransè. Toujou verifye si li make « Remis » pou w asire travay la byen voye.
MJT Blog 