Nan yon mond kote teknoloji ap evolye chak jou, aprantisaj an liy vin tounen yon eleman esansyèl nan edikasyon ak devlopman pwofesyonèl. Jodi a, gras ak entènèt, ou ka aprann nouvo konpetans nenpòt kote ou ye epi jwenn sètifika pou valide konesans ou yo.
Nan atik sa a, n ap prezante w 10 bon sit wèb kote ou ka aprann sou entènèt epi resevwa yon sètifika lè w fin konplete kou yo.
1. Udemy
Udemy se yon platfòm aprantisaj an liy ki ofri anpil kou kreyatif ak pratik sou divès sijè, tankou maketing, devlopman pèsonèl, pwodiktivite, ak teknoloji. Li itil tou pou antreprenè ki vle aprann nouvo metodoloji pou jere biznis yo.
2. Coursera
Coursera se yon platfòm aprantisaj an liy ki ofri kou sou plizyè sijè. Kou sa yo fèt pa inivèsite prestijye ak gwo òganizasyon atravè mond lan. Anplis de sa, ou ka jwenn sètifika ak diplòm sou plizyè domèn tankou syans enfòmatik, biznis, ak syans done.
3. LinkedIn Learning
LinkedIn Learning se yon platfòm aprantisaj ki ofri plizyè kou ak videyo sou devlopman pèsonèl, maketing, enfòmatik, ak lòt domèn pwofesyonèl. Avantaj li se ke sètifika ou resevwa yo ka ajoute dirèkteman sou pwofil LinkedIn ou.
4. OpenClassrooms
OpenClassrooms se yon platfòm fransè ki ofri kou ak sètifika sou divès domèn, tankou devlopman wèb, maketing dijital, ak jesyon pwojè. Li ofri tou fòmasyon espesyalize pou antrepriz ak pwofesyonèl ki vle devlope konpetans yo.
5. Khan Academy
Khan Academy se yon platfòm edikatif gratis ki ofri kou sou plizyè domèn tankou matematik, syans, ekonomi, ak istwa. Li se youn nan pi bon resous pou elèv ki vle amelyore konesans yo nan baz edikatif yo.
6. edX
edX se yon sit aprantisaj sou entènèt ki te fonde pa MIT ak Harvard. Li ofri kou sou plizyè domèn tankou teknoloji, biznis, syans, ak lasante. Platfòm sa a asosye ak plis pase 150 inivèsite ak òganizasyon prestijye ki garanti kalite kontni yo.
7. Google Atelier Numérique
Google Atelier Numérique se yon platfòm aprantisaj an liy ki ofri sètifika gratis sou maketing dijital, teknoloji enfòmasyon, ak devlopman biznis. Sa ka itil pou moun ki vle amelyore konpetans yo nan mond dijital la.
8. Tuto.com
Tuto.com se yon platfòm aprantisaj ki konsantre sou domèn tankou biyotik, devlopman web, devlopman mobil, ak grafik. Li se yon resous ideyal pou moun ki vle aprann kreyasyon kontni ak konsepsyon dijital.
9. Kaw Academy
Kaw Academy se yon platfòm edikatif ki bay kou gratis an Kreyòl sou plizyè domèn, tankou maketing dijital, jesyon pwojè, antreprenarya, IT, ak sekirite enfòmasyon. Se yon resous ekselan pou Ayisyen ki vle aprann nan lang manman yo.
10. Alison
Alison se yon platfòm aprantisaj gratis ki ofri kou sou divès sijè, tankou sante, teknoloji, lang, ak devlopman pèsonèl. Ou ka jwenn sètifika apre w fin konplete kou yo, sa ki ka ede w avanse nan karyè ou.
Aprantisaj an liy se yon gwo avantaj nan epòk dijital la. Avèk sit sa yo, ou ka aprann nouvo konpetans, jwenn sètifika, epi amelyore chans ou pou jwenn yon travay oswa lanse pwòp biznis ou. Li pa sèlman itil pou elèv oswa pwofesyonèl, men pou nenpòt moun ki vle grandi epi adapte yo ak chanjman teknolojik ak sosyal yo.
Pa tann! Chwazi yon platfòm epi kòmanse aprann jodi a. Konesans se kle siksè!
MJT Blog 