Nan yon epòk kote pri machandiz ak sèvis yo ap monte chak jou, ekonomize lajan tounen yon priyorite pou anpil moun. Kit ou se yon etidyan, yon travayè, oswa yon paran, tout moun ka benefisye de aprann kijan pou jere finans yo ak plis efikasite. Nan atik sa a, nou pral pataje kèk metòd pratik pou amelyore sitiyasyon finansye ou san w pa fè twòp sakrifis.
1. Analize Depans ou yo
a) Fè yon bidjè chak mwa
- Kreye yon lis ki montre tout revni ak depans ou yo.
- Kategorize depans yo (nouriti, kay, transpò, amizman, elatriye) epi idantifye zòn kote ou depanse twòp.
b) Evite depans ki pa nesesè
- Peye sèlman pou sa ou bezwen.
- Egzanp: Redwi achte manje deyò e prepare manje lakay ou.
2. Metòd Ekonomize Lajan
a) Prensip « Peye tèt ou an premye »
- Lè ou touche, mete yon ti pousantaj lajan sou kote avan w depanse rès la. Ou ka itilize yon kont ekonomi oswa yon ti bwat lakay ou pou fè sa.
b) Redwi itilizasyon kredi
- Kredi ka itil nan ka ijans, men li ka lakòz dèt si w pa peye alè. Eseye itilize lajan likid lè posib.
c) Itilize promosyon ak rabè
- Tcheke pou pwomosyon sou pwodwi oswa sèvis ou bezwen.
- Achte an gwo pou pwodwi ki pa gate fasil tankou savon, papye twalèt, elatriye.
3. Pran Kontwòl sou Founiti Debaz yo
a) Pri manje
- Fè yon plan manje pou semèn nan pou evite achte twòp manje ou pap itilize.
- Priorize mache lokal pou achte legim ak fwi fre ki konn gen pi bon pri.
b) Pri enèji
- Etenn tout aparèy ki pa nesesè.
- Itilize limyè solèy oswa chanje anpoul ki konsome anpil enèji ak lòt ki konsome mwens.
4. Opòtinite pou Gen Lajan Anplis
a) Aprann yon nouvo konpetans
- Chèche yon fòmasyon nan yon domèn ki nan demann, tankou enfòmatik, grafis, oswa lang etranje. Ou ka sèvi ak konpetans sa yo pou fè travay adisyonèl.
b) Vann sa ou pa itilize ankò
- Si w gen rad, aparèy elektwonik, oswa lòt bagay ki nan bon eta men ou pa itilize yo, vann yo pou fè yon ti revni siplemantè.
c) Konsidere travay adisyonèl (freelance)
- Jwenn ti travay sou entènèt tankou tradiksyon, konsepsyon, oswa fè devwa pou lòt moun.
5. Kenbe Disiplin Finansye
- Fè yon abitid pou kontwole depans ou regilyèman.
- Pa kite presyon sosyal fè w depanse plis pase ou ka pèmèt.
Ekonomize lajan mande planifikasyon ak disiplin, men li posib. Toujou sonje ke chak goud ou ekonomize jodi a se yon soulajman pou demen. Pa neglije fè ti chanjman ki gen gwo enpak sou tèm long.
MJT Blog 